- वि.सं २o८१ बैशाख ३१ सोमबार
बजारमा प्याजको मूल्य एकाएक अकासिएपछि सुलभ मूल्यमा प्याज खोज्दै सर्वसाधारण खाद्य संस्थान पुगेका छन् ।
संस्थानको थापाथलीस्थित कार्यालयमा प्याज लिन पुग्नेहरूको भिड ह्वात्तै बढेको छ । अन्य सामान किन्न आउनेभन्दा प्याज लिन आउने उपभोक्ता नै बढी देखिन्छन् ।
खाद्यले प्रतिकिलो ६० रुपैयाँमा प्याज उपलब्ध गराएको छ । जब कि बाहिर बजारमा प्रतिकिलो एक सय २० रुपैयाँदेखि एक सय ५० रुपैयाँसम्म प्याज बिक्री भइरहेको छ ।
संस्थानमा एक व्यक्तिले बढीमा तीन किलो मात्र प्याज किन्न पाउने व्यवस्था गरिएको छ ।
