- वि.सं २०७७ कार्तिक ६ बिहीबार
दार्चुलाको व्यास गाउँपालिका- १ छाङरुमा स्थापना गरिएने सशस्त्र प्रहरी बल ५० नम्बर गुल्म भवनको शिलान्यास गर्न गृहमन्त्री रामबहादुर थापासहितको टोली खलंगा आइपुगेको छ ।
उनीसँगै सशस्त्र प्रहरीका आइजिपी शैलेन्द्र खनाल, प्रतिनिधिसभा सदस्य गणेशसिंह ठगुन्ना तथा गृह मन्त्रालयका सचिव महेश्वर न्यौपाने छन् ।
छाङरु अतिक्रमित क्षेत्र कालापानीभन्दा झन्डै १२ किलोमिटर दक्षिणमा पर्दछ । गत असार २८ मा बसेको मन्त्रिपरिषद्को बैठकले सो ठाउँमा सशस्त्रकाे गुल्म राख्ने निर्णय गरेको थियो ।
