मुख्य समाचारफ्रन्ट पेजसमाचारदृष्टिकोणअर्थअन्तर्वार्तामल्टिमिडियाखेलकुदविश्वप्रवासकोरोना अपडेटकर्नर किकसम्पादकीयस्वास्थ्य र जीवनशैली१३औँ वार्षिकोत्सव विशेषांकफिचरलाेकसेवाप्रेरक प्रसंग१२औँ वार्षिकोत्सव विशेषांकसप्तरंगटर्निङ प्वाइन्ट्स-२०२०टर्निङ प्वाइन्ट्स-२०१९प्रदेशब्लगEnglishटर्निङ प्वाइन्ट्स-२०२१
  • वि.सं २०७७ माघ १४ बुधबार
  • Wednesday, 27 January, 2021
२०७७ असार १५ सोमबार १४:५२:००
समाचार

घरेलु रक्सीलाई ब्यान्ड हाेइन, ब्रान्ड बनाउन प्रदेश सांसद राईको माग   

२०७७ असार १५ सोमबार १४:५२:००

प्रदेश  १ सांसद उषाकला राईले घरेलु रक्सीलाई प्रतिबन्ध (ब्यान्ड) गरेर होइन ब्रान्ड बनाएर विदेश निर्यात गर्ने व्यवस्था मिलाउन माग गरेकी छिन् । प्रदेश सभाको बजेट अधिवेशनको सोमबारको बैठकमा विनियोजन विधेयकमाथि छलफल गर्दै सांसद राईले घरेलु रक्सीलाई अब सरकारले ब्यान्ड गरेर हैन ब्रान्ड बनाएर उत्पादन बढाउनुपर्नेमा जोड दिइन् । 

उनले नेपाली शुद्ध कोदो र जडीबुटीयुक्त्त घरेलु रक्सीहरू औषधि पनि भएकाले त्यसलाई ब्रान्ड बनाउन सके विदेशमा माग उच्च हुने बताइन् । घरेलु रक्सी ब्यान्ड भर्सेज ब्रान्ड बन्नुपर्ने बताइन् । 

उनले रक्सीमा प्रतिबन्ध लगाउने भए सबैखाले रक्सीमा प्रतिबन्ध लगाउनुपर्ने नत्र घरेलु रक्सीमा लागेको प्रतिबन्ध फुकुवा गरेर उद्योगका रूपमा विकास गरी ब्रान्ड बनाउनुपर्ने बताइन् । उनले भनिन्, ‘हामी घरेलु रक्सीमा प्रतिबन्ध लगाएर करोडौँको विदेशी रक्सी भित्र्याइरहेका छौँ, के हामी आफ्नै देशको शुद्ध घरेलु रक्सी चियर्स गरेर राष्ट्रवादी बन्न सक्दैनौँ ।’

सांसद राईले प्रतिबन्धित गाँजा खेतीलाई पनि फकुवा गर्न माग गरिन् । उनले गाँजा खेती फुकुवा गरेर विदेशमा निर्यात गर्न सकिने बताएकी छिन् । 

सांसद राईले विदेशी र ब्रान्डेड रक्सीहरूचाहिँ खुला गर्ने, तर स्थानीय स्तरमा उत्पादन भएको घरेलु रक्सीको उत्पादनलाई चाहिँ गैरकानुनी बनाउने कार्य गलत भएको बताउने गरेकी छिन् । सांसदहरू विमल कार्की, प्रतापप्रकाश हाङगामलगायतले पनि पटकपटक घरेलु रक्सीलाई ब्रान्डडिङ गर्न  र गाँजा खेतीको प्रतिबन्ध फुकुवा गर्न पनि माग गर्दै आएका छन् ।