- वि.सं २o८३ असोज १४ बुधबार
बिपी राजमार्गमा स्कार्पियो दुर्घटना हुँदा आठजना घाइते भएका छन् । सिन्धुलीको सुनकोशी गाउँपालिका– ३, गणेशथानस्थित बिपी राजमार्गमा स्कार्पियो गाडी अनियन्त्रित भई सडकबाट करिब २० मिटर तल खस्दा आठजना घाइते भएको प्रहरीले जनाएको छ ।
आज बिहान ८:३० बजे काभ्रेपलाञ्चोकबाट रामेछापतर्फ आउँदै गरेको बा.प्र.०१–०३१ च ९७४९ नम्बरको स्कार्पियो जिप अनियन्त्रित भई सडकबाट करिब २० मिटर तल खसेर दुर्घटना भएको हो । दुर्घटनाको खबर प्राप्त हुनासाथ प्रहरी टोली उद्धार कार्यमा खटिएको थियो ।
प्रहरी टोलीले दुर्घटनामा घाइते भएका आठजनाको उद्धार गरी उपचारका लागि स्थानीय प्रधान मेडिकल, रातामाटा पठाएकोमा सामान्य उपचारपश्चात थप उपचारका लागि धुलिखेल अस्पताल पठाइएको छ ।
दुर्घटनामा परेर घाइते हुनेहरू सबै काभ्रेपलान्चोक बेथानचोक गाउँपालीिका निवासी रहेका छन् । घाइते हुनेहरूमा २८ वर्षीय रोमबहादुर योञ्जन, २१ वर्षीया मीनामाया तामाङ, ५६ वर्षीय दुर्गाबहादुर योञ्जन, ४३ वर्षीय धनबहादुर योञ्जन, ४५ वर्षीय प्रेम योञ्जन, ३० वर्षीय दिनेश योञ्जन, २० वर्षीय अनिल योञ्जन र ५२ वर्षीय टेकबहादुर थिङ रहेका छन् ।
उक्त जिपचालक काभ्रेपलाञ्चोक, बेथानचोक गाउँपालिका– ३ बस्ने अन्दाजी २६ वर्षीय नारायण बस्नेत सकुशल रहेकोले प्रहरीले नियन्त्रणमा लिई दुर्घटनाको सम्बन्धमा थप अनुसन्धान गरिरहेको जनाएकाे छ ।
