- वि.सं २o८३ श्रावण १६ शनिबार
जिल्ला प्रशासन कार्याल सिराहाले बिहीबार अपरान्ह ४ बजेदेखि लगाएको अनिश्चितकालीन कर्फ्यु ४२ घन्टापछि हटाइएको छ । जिल्लाको पछिल्लो सुरक्षा स्थितिको विश्लेषणका आधारमा स्थानीय प्रशासन ऐन, २०२८ को दफा ६ (क) बमोजिम जिल्लाको लहान नगरपालिका क्षेत्रभित्र लगाइएको कर्फ्यु १६ साउन बिहान १० बजेदेखि हटाइएको हो ।
जिल्ला प्रशासन कार्यालयले आन्दोलन वा हुलदंगा भई शान्ति सुरक्षा भंग हुने देखिएको भन्दै बिहीबार दिउँसो ४ बजेदेखि लहान क्षेत्रमा अनिश्चितकालीन कर्फ्यु जारी गरेको थियोे ।
जिल्ला सुरक्षा समितिको बैठक बसेर अर्को निर्णय नहुन्जेलसम्मका लागि गोलबजारको कर्फ्यु भने यथावत् रहेको सिरहाका प्रमुख जिल्ला अधिकारी सुरेन्द्र पौडेलले जानकारी दिए । कर्फ्यु हटाइएपछि लहान क्षेत्रमा जनजीवन सामान्य हुन थालेको छ भने हाटबजार, पसल क्रमशः खुल्न थालेका छन् ।
