- वि.सं Invalid date format
प्रधानमन्त्री केपी ओली रसुवामा बाढीपहिरोले पुर्याएको क्षतिको अवलोकन गर्न त्यसतर्फ जाने भएका छन् । सोमबार राति आएको रसुवाको क्षतिग्रस्त ठाउँको अवलोकन गर्न प्रधानमन्त्री ओलीसहित गृहमन्त्री रमेश लेखक र अर्थमन्त्री विष्णु पौडेल जाने भएका हुन् । दुईवटा हेलिकोप्टरबाट क्षतिग्रस्त क्षेत्रमा प्रधानमन्त्री ओलीसहितको टोली जान लागेको हो ।
प्रधानमन्त्री ओली बालुवाटारबाटै उड्नेछन् भने गृहमन्त्री लेखक र अर्थमन्त्री पौडेल विमानस्थलबाट अर्को हेलिकोप्टरमा जाने भएको बालुवाटार स्रोतले जनाएको छ । बाढीग्रस्त क्षेत्रमा तीनवटै सुरक्षा निकायका प्रमुख पनि जाने भएका छन् । नेपाली सेनाका प्रधानसेनापति अशोकराज सिग्देल, नेपाल प्रहरीका प्रमुख दीपक थापा र सशस्त्र प्रहरीका प्रमुख राजु अर्याल बाढीग्रस्त क्षेत्रमा जान लागेका हुन् ।
बाढीमा तीन सुरक्षाकर्मी, ६ चिनियाँ नागरिकसहित १८ जना बेपत्ता भएका छन् । बाढीमा फसेका ५० जनाको उद्धार गरिएको छ ।
