- वि.सं २o८२ असार २४ मंगलबार
लोमान्थाङ गाउँपालिकामा मंगलबार आएको बाढीका कारण चार काठे र दुई फलामे पुल बगाएको छ।
बाढीका कारण लोमान्थाङ गाउँपालिकाकाे वडा नम्बर १, २ र ४ मा क्षति पुर्याएको पालिकाका अध्यक्ष टसी न्हर्वु गुरुङले जानकारी दिए। साँझ करिब १७ः३० बजेतिर छुआमा खोलामा आएको बाढीका कारण छुम्जुङ, छोसो, न्यामरोक र भार्चास्थित काठे पुल बगाएको अध्यक्ष गुरुङले जानकारी दिए।
यसैगरी, छुम्जुङस्थित मान्छे हिँड्ने र धुकमा रहेको गाडी हिँड्ने फलामे पुलसमेत बाढीले बगाएको उनले बताए।
पालिका केन्द्रदेखि ५०-६० किलोमिटर पर मुस्ताङ हिमालबाट बहने छुआमा खोलामा आएको बाढीले पुलसँगै पालिकाको रिङरोडमा समेत असर गरेको छ।
बाढीका कारण कुनै मानवीय क्षति भने नभएको र घरहरूमा समेत असर नपरेको उनले बताए। बाढीका कारण खोलाको वारिपारि गरी करिब ६ सय मिटरजति खेतबारीमा असर गरेकाे छ।
बाढीकाे यकिन क्षति विवरण भने अझै आइसकेकाे छैन।
