- वि.सं २o८१ चैत २१ बिहीबार
नेपाल क्लियरिङ हाउस लिमिटेड (एनसिएचएल)ले एनपिएस नेसनल कार्ड स्विच र डोमेस्टिक कार्ड स्किम (नेपाल पे कार्ड) औपचारिक रूपमा सार्वजनिक गरेको छ ।
सोमबार एक कार्यक्रममा नेपाल राष्ट्र बैंकका गभर्नर महाप्रसाद अधिकारीले नेपाल पेबाट पिओएस र एटिमबाट कारोबार गरी एनपिएस प्रणालीको उद्घाटन गरे । योसँगै नेपालका बैंक तथा वित्तीय संस्था, भुक्तानी सेवाप्रदायकले डोमेस्टिक कार्ड स्किममा इस्युइङ र एक्वारियङका साथै अन्य कार्ड स्किम कारोबारबिच अन्तरआबद्धता कायम गर्न सक्नेछ । यसअघि अन्तर्राष्ट्रिय पेमेन्ट गेटवेका विभिन्न कम्पनीका कार्ड प्रचलनमा थिए । यसअघि एनपिएसअन्तर्गत रिटेल पेमेन्ट स्विच र क्रस बोर्डर इन्टरफेस सञ्चालनमा आइसकेका छन् ।
पहिलो चरणमा नेपाल पे कार्ड जारी गर्न एनसिएचएलसँग सिटिजन्स बैंक इन्टरनेसनल, गुडविल फाइनान्स, हिमालयन बैंक, माछापुच्छ«े बैंक, मुक्तिनाथ विकास बैंक, एनएमबि बैंक, प्रभु बैंक, सांग्रिला विकास बैंक, सिद्धार्थ बैंकलगायतका बैंक–वित्तीय संस्थासँग सम्झौतासमेत भएको छ ।
नेपाल पेअन्तर्गत सदस्य बैंक तथा वित्तीय संस्था र पिएसपिह क्रमशः प्रिन्सिपल तथा एसोसिएट सदस्यका रूपमा आबद्ध हुन सक्नेछन् । उक्त प्रणालीको पूर्ण कार्यान्वयनपछि डोमेस्टिक कार्ड कारोबारको लागत घटाउने, डेटा लोकलाइजेस सुनिश्चित गर्ने र डिजिटल इकोसिस्टममा नवीनतम उपकरणको विकास तथा प्रवद्र्धन हुने अपेक्षा गरिएको छ ।
