- वि.सं २o८१ चैत २१ बिहीबार
१७औँ भीमनारायण गोल्डकप फुटबल प्रतियोगिताको सेमिफाइनलमा नेपाल एपिएफले स्थान पक्का गरेको छ । बुधबार भएको क्वार्टरफाइनलमा नेपाल एपिएफले बेलबारी फुटबल क्लबलाई ३–२ ले हराउँदै अन्तिम चारमा स्थान पक्का गरेको हो । खेलको सातौँ मिनेटमा हरि कार्कीले एपिएफलाई अग्रता दिलाएका थिए ।
खेलको ३३औँ मिनेटमा युवराज खड्काले २–० का लागि गोल फर्काए । खेलको ९२औँ मिनेटमा बेलबारीका बिकु राईले आत्मघाती गोल गर्दा एपिएफ भाग्यमानी हुँदै सेमिफाइनल प्रवेश गरेको हो । बेलबारीका भुवन बस्नेतले ३६औँ मिनेटमा र ड्यानियलले ४६औँ मिनेटमा गोल गरेका थिए ।
प्रतिस्पर्धामा एपिएफका युवराज खड्काले म्यान अफ दी म्याच हुँदै पाँच हजार रुपैयाँ पाएका छन् । विजेताले पाँच लाख र उपविजेताले दुई लाख ५० हजार प्राप्त गर्नेछन् । अब एपिएफ कोशी प्रदेश लिग विजेता उदयपुरको गाईघाट फुटबल क्लबविरुद्ध २२ चैतमा सेमिफाइनलमा भिड्नेछ ।
