- वि.सं Invalid date format
बिवाइडीको आधिकारिक वितरक साइमेक्स इंक प्रालि सम्मानित भएको छ । चीनमा सम्पन्न बिवाइडी एसिया प्यासिफिक–२०२५ डिलर कन्फ्रेन्समा कम्पनी विभिन्न अवार्डबाट सम्मानित भएको हो । कम्पनीले अल ब्रान्ड टप सेल्स, एसिया प्यासिफिक आउटस्ट्यान्डिङ स्ट्राटेजिक पार्टनर–२०२४, एक्सिलेन्ट पार्टनर अवार्ड र टप २० स्टोर अवार्ड प्राप्त गरेको हो ।
कनेक्टेड, इन्स्पायर्ड, युनाइटेड थिममा आयोजित सो इभेन्टमा एसिया प्यासिफिक क्षेत्रमा उत्कृष्ट कार्य गरेका पार्टनरलाई उनीहरूको अभूतपूर्व योगदानका लागि सम्मानित गरिएको थियो । नेपालमा दिगो मोबिलिटीलाई अगाडि बढाउन नेतृत्व लिएबापत साइमेक्स उक्त अवार्डबाट सम्मानित भएको बताइएको छ । यसका साथै बिक्रीमा असाधारण उपलब्धिका साथ योगदान गरेबापत लुज महर्जन, नीराजन खनाल र सनम सेखले टप सेल्स अवार्डसमेत प्राप्त गरेका थिए ।
नेपालमा बिवाइडीलाई सफल बनाउन महत्वपूर्ण भूमिका खेल्ने डिलर नेटवर्कको उपलब्धिमा समेत साइमेक्स इंक सहभागी बनेको थियो । बिवाइडीको दाङ डिलर टिम एलेभेन इभी वल्र्ड प्रालिले आउटस्ट्यान्डिङ मार्केटिङ डिलर अवार्ड’ जितेको छ । त्यस्तै, चितवन डिलर युरो अटो ग्रिनले एक्सिलेन्ट पार्टनर अवार्ड र वीरगन्ज डिलर नीरज अटोमोबाइल्सले बेस्ट सेल्स ग्रोथ डिलर अवार्ड हासिल गरेका छन् ।
‘यी प्रतिष्ठित पुरस्कार नेपालमा भएका हाम्रो टिम र डिलर पार्टनरको समर्पण र कडा परिश्रमका प्रतीक हुन् । इभी क्रान्तिमा ग्राहकलाई नवप्रवर्तन र दिगो मोबिलिटी समाधान उपलब्ध गराउने कार्यमा हामी प्रतिबद्ध छौँ,’ साइमेक्स इंकका अध्यक्ष अनिल श्रेष्ठले भने ।
