मुख्य समाचारफ्रन्ट पेजसमाचारनयाँ यात्रा २०२५दृष्टिकोणअर्थअन्तर्वार्ताखेलकुदविश्वफिचरप्रदेशपालिका अपडेट
  • वि.सं Invalid date format
  • Thursday, 03 April, 2025
नयाँ पत्रिका काठमाडाैं
Invalid date format o८:o८:oo
Read Time : > 1 मिनेट
खेलकुद प्रिन्ट संस्करण

‘बी’ डिभिजन लिग : श्री भगवती शीर्ष स्थानमा उक्लियो

Read Time : > 1 मिनेट
नयाँ पत्रिका, काठमाडाैं
नयाँ पत्रिका
Invalid date format o८:o८:oo

सहिद स्मारक ‘बी’ डिभिजन लिगको चौथो चरण मंगलबारदेखि सातदोबाटोको एन्फा कम्प्लेम्समा सुरु भएको छ । चौथो चरणमा श्री भगवती क्लबले श्रीकुमारी क्लबलाई २–० ले हरायो । अपराजित रहेको श्री भगवती १० अंकका साथ लिगको शीर्ष स्थानमा उक्लेको छ । श्री भगवतीले लिगमा तीन जित र एक बराबरी खेलेको छ । श्री भगवतीलाई प्लानिङ ब्वाइजले पछ्याइरहेको छ । एक खेल कम खेलेको प्लानिङले तीन खेलबाट नौ अंक बनाएको छ । 

लिगको पुछारमा रहेको श्री कुमारीले अंक बटुलेको छैन । श्री कुमारीले लिगमा खेलेका चारै खेल गुमाएको छ । एन्फा कम्प्लेक्समा श्री भगवतीलाई खेलको १४औँ मिनेटमा श्री भगवतीलाई सुलेमान थापाले अग्रता दिलाएका थिए । उनले विपक्षीको कमजोरीमा गोल गरेका हुन् । पहिलो हाफमा श्री भगवतीले विपक्षीको पोस्टमा आक्रामक खेल खेलेको थियो । तर, मध्यान्तरमा एकबाहेक थप गोल गर्न सकेन । दोस्रो हाफमा श्री भगवती २–० ले अघि रह्यो । अमित लामाले डिबक्समा सहजै गोल गरी श्री भगवतीलाई दोहोरो अग्रता दिलाएका हुन् ।

अर्को खेलमा च्यासलले पूर्व ‘ए’ डिभिजन क्लब मध्यपुर युथमाथि ४–० को जित दर्ता गरेको छ । च्यासलका लागि आशिष थारू, नीरज कार्की, सुजन विश्वकर्मा र कुशल देउवाले एक–एक गोल गरेका थिए । च्यासल सात अंकका साथ तेस्रो स्थानमा उक्लेको छ । 

च्यासलले दुई जित, समान एक हार र बराबरी खेलेको छ । मध्यपुरको यो लिगमा दोस्रो हार हो । मध्यपुरले लगातार दुई खेल गुमाएको हो । चार अंकका साथ मध्यपुर सातौँ स्थानमा छ । तेस्रो चरणमा मध्यपुर अपराजित प्लानिङ ब्वाइजसँग २–० ले पराजित भएको थियो ।  

पहिलो हाफमा दुवै टोलीले गोल गर्न सकेका थिएनन् । मध्यपुरले मध्यान्तरअघि डिफेन्स बलियो बनाउँदा च्यासलले गोल गर्न नसकेको हो । तर, दोस्रो हाफमा मध्यपुरको डिफेन्स लाइन कमजोर हुँदा च्यासलले सबै चार गोल गर्‍यो ।