स्वास्थ्य र जीवनशैली प्रिन्ट संस्करण

माघ १२ देखि १८ गते सम्मको साप्ताहिक राशिफल

ज्योतिष तथा वास्तुविद् सुरेशचन्द्र रिजालले तयार पारेको माघ १२ गते शनिबारदेखि १८ गते शुक्रबारसम्मको साप्ताहिक राशिफल पढ्नुहोस् 

मेष (चु, चे, चो, ला, लि, लु, ले, लो, अ) : साताको प्रारम्भमा सेयर कारोबारमा लगानी गर्दा पछि फाइदा हुने योग रहेको छ । आर्थिक र व्यावसायिक समस्या समाधान हुनेछन् । आम्दानी बढ्नाले जीवनशैलीमा सुधार ल्याउन सकिनेछ । साताको अन्त्यमा महत्वपूर्ण अवसर गुम्न सक्नेछ । यात्रामा सावधानी पनि अपनाउनुपर्नेछ । परोपकार सामाजिक क्षेत्रका काममा अवगाल व्यहोर्नुपर्छ । कुनै नयाँ योजना कार्यान्वयन गर्न कठिनाइ हुनेछ । 

वृष (इ, उ, ए, ओ, बा, बि, बु, बे, बो) : आफन्त र साथीभाइबाट सहयोग तथा हौसला प्राप्त हुनेछ । मुद्दामामिलामा विजयीको योग रहेको छ । मित्रजनबाट साथ सहयोग मिल्नुका साथै नयाँ कार्यको थालनी हुनेछ । सप्ताहान्तमा नयाँ सवारीसाधन खरिद–बिक्रीबाट लाभ मिल्नेछ । श्रमको उचित मूल्यांंकन हुनेछ । पढाइमा पनि राम्रै प्रगति हुनेछ । रोकिएका काम बन्ने र नयाँ काम पाइने योग छ । आध्यात्मिक भावनाको विकास हुनेछ । 

मिथुन (का, कि, कु, घ, ङ, छ, के, को, ह) : साताको प्रारम्भमा भ्रमण, पर्यटन र मनोरञ्जनात्मक क्रियाकलापमा खर्च बढ्नेछ । वैदेशिक यात्रामा गरिएको लगानीबाट हानि–नोक्सानीको योग रहेको छ । छरछिमेकमा केही असमझदारी बढ्न सक्छ भने सप्ताहान्तमा भाग्यले साथ दिनेछ । सहयोगी जुट्नाले नाम, दाम र इनाम हात पार्न सफल भइनेछ । नयाँ मित्रताबाट भरपूर साथ मिल्नेछ । वाहन र पैत्रिक सम्पत्तिबाट लाभ मिल्ने योग छ ।

कर्कट (हि, हु, हे, हो, डा, डि, डु, डे, डो) : राजनीतिक कार्यमा सफलता मिल्नेछ । महिला वा मित्रबाट विशेष सहयोग पनि मिल्नेछ । साताको मध्यमा दबाब र तनाव बढेको महसुस हुनेछ । सोचेअनुरूप काम नबन्नाले दिक्क लाग्नेछ । सप्ताहान्तमा कामको सन्दर्भमा रमाइलो यात्रा र अतिरिक्त आम्दानी हुने योग छ । वैदेशिक क्षेत्रबाट लाभ लिने मौका छ । स्थानान्तरण र टाढाको यात्राको सम्भावना छ ।

सिंह (मा, मि, मु, मे, मो, टा, टि, टु, टे) : नयाँ सवारीसाधन जोड्ने योग रहेको छ । प्रतियोगितात्मक क्रियाकलापबाट लाभ मिल्नेछ । सरकार र राज्यपक्षबाट लाभ प्राप्त हुनेछ । लगनशीलतले नाम, दाम र इनाम दिलाउन सक्छ । मन मिल्ने साथी भेटिनुका साथै प्रेमको बन्धन कसिने सम्भावना छ । साताको अन्त्यमा महत्वपूर्ण जिम्मेवारी प्राप्तिको योग रहेको छ । अनावश्यक यात्राबाट जोगिनु राम्रो हुनेछ ।

कन्या (टो, प, पि, पु, ष, ण, ठ, पे, पो) : अरूलाई प्रभावित पारेर काम बन्नेछन् । व्यापार व्यवसायबाट विशेष फाइदा हुनेछ । शत्रु र प्रतिस्पर्धीलाई सजिलै हराउन सकिनेछ । पारिवारिक भेटघाटको समय छ । प्रतिस्पर्धीसमेत सहयोगीका रूपमा देखापर्नेछन् । विभिन्न भौतिक साधन जुट्नेछन् । अध्ययन–अध्यापन सफल रहेको छ । पशुव्यवसाय र कृषि पेसाबाट सन्तोषजनक लाभ हुनेछ । जागिरेका लागि उपयुक्त समय आएको छ ।

तुला (र, रि, रु, रे, रो, ता, ति, तु, ते) : अनावश्यक झमेलाबाट बचेर काम गर्नुपर्ने छ । वैदेशिक सहयोग मिल्नुका साथै सफल यात्राको योग रहेकाले सोचेअनुसार फाइदा पुग्नेछ । बढुवा वा अतिरिक्त जिम्मेवारी मिल्ने योग रहेको छ । कुनै अप्रत्याशित काममा कसैलाई सहयोग गर्नुपर्ने देखिन्छ । सप्ताहान्तमा विद्यार्थीहरूका लागि सुखद समाचार आउला । शैक्षिक यात्राको प्रक्रिया अघि बढ्नेछ । सहयोगीहरूले साथ दिनेछन्

वृश्चिक (तो, ना, नि, नु, ने, नो, या, यि, यु) : धनार्जनका नयाँ स्रोतहरू पत्ता लाग्नेछन् । नयाँ कार्यको थालनी हुनेछ । तपाईंको निर्णय क्षमताको प्रशंसा हुनुका साथै प्रशंसकहरूले पनि साथ दिनेछन् । बिहीबारदेखि अलि जोखिमपूर्ण जिम्मेवारी प्राप्त हुनाले सावधानीका उपाय अवलम्बन गर्नुपर्ला । महत्वपूर्ण सूचना चुहावट हुन सक्ने योग रहेकाले विशेष सावधानी अपनाउनुपर्नेछ । नयाँ सम्बन्धको प्रस्ताव राख्न सक्छ । 

धनु (ये, यो, भ, भि, भु, ध, फा, ढ, भे) : साताको प्रारम्भमा मनमा हर्ष, उमंग र उत्साह छाउनेछ । विशिष्ट व्यक्तिको सहयोग पाइनेछ । प्रेमको बन्धन कसिने वेला छ । पठनपाठनमा पनि राम्रै प्रगति हुनेछ । मन लोभ्याउने पहिरनले अरूको नजर आफूमाथि पार्नेछ । लेनदेन र हिसाब–किताबमा सावधान नहुँदा बिचमा केही विवाद हुन सक्छ । सप्ताहान्तमा स्थिति अनुकूल हुनाले लक्ष्यमा पुगिनेछ । व्यावसायिक काममा सामान्य फाइदा हुनेछ ।

मकर (भो, ज, जि, खि, खु, खे, खो, गा, गि) : शुभ समाचार सुन्न पाइएला । नयाँ कार्यको थालनी हुन सक्छ । राजनीतिक कार्यमा सफलता मिल्नेछ । आम्दानी पनि प्रशस्तै बढ्न सक्छ । सहयोगीहरूले सकेको सहयोग गर्नेछन् । सप्ताहान्तमा स्वास्थ्यमा मौसमी गडबडी देखापर्न सक्छ । सोखले खर्च गराए पनि उद्देश्य पूरा नहुन सक्छ । विश्वास गरेका व्यक्तिबाट नै विश्वासघात हुने सम्भावना छ

कुम्भ (गु, गे, गो, सा, सि, सु, से, सो, द) : योजना कार्यान्वयनमा ढिलाइ गर्नाले आफैँ पछि परिनेछ । राजनीतिक कार्यमा बाधा आउनेछ । नयाँ ज्ञान प्राप्त हुने योग छ । आगन्तुकले अलमल्याउने हुँदा चिताएको काममा पनि बाधा पुग्न सक्छ । स्वादिष्ट भोजनको आनन्दसमेत पाइएला । साताको अन्त्यमा कामबाट फुर्सद मिल्नेछ । सहयोगीहरूले राम्रो साथ दिनेछन् । रोकिएका काम सम्पादन हुने र नयाँ काम पाइने योग छ ।

मीन (दि, दु, थ, झ, ञ, दे, दो, च, चि) : धर्मकर्ममा रुचि बढ्ने योग छ । मिष्ठान्न भोजन प्राप्त हुनेछ । प्रशस्त धन आर्जन गर्ने अवसर पाउनु हुनेछ । उठ्नुपर्ने रकम हात लाग्ने योग छ । अवसरका लागि चुनौतीसँग लड्नुपर्ने देखिन्छ । बिहीबारदेखि श्रम र व्यवसायबाट मनग्ये आम्दानी हुनेछ । तर, सप्ताहान्तमा पछिका लागि खर्च पनि गर्नुपर्ला । धार्मिक सामाजिक कामको दायित्व थपिन सक्छ ।