- वि.सं २o८१ माघ २ बुधबार
मकवानपुर प्रहरीले १११ केजी अवैध लागुऔषध गाँजासहित कैलाशका एकजनालाई पक्राउ गरेको छ । पक्राउ पर्नेमा मकवानपुरको कैलाश गाउँपालिका– २ डाँडाखर्कका ३४ वर्षीय रावल स्याङ्बो रहेका छन् ।
उनलाई प्रहरीले हेटौँडा उपमहानगरपालिका– १४ स्थित प्रहरी चेकपोस्टबाट पक्राउ गरेको हो । मकवानपुर प्रहरी प्रवक्ता डिएसपी श्यामु अर्यालका अनुसार हेटौँडाबाट पथलैयातर्फ जाँदै गरेको बा.७च२५१० नम्बरको पिकअप गाडीबाट उनलाई लागुऔषध गाँजासहित पक्राउ गरिएको हो ।
स्याङ्बोले चलाएको उक्त पिकअप गाडी रोकी खानतलासी गर्दा गाडीको पछाडिको ढालाभित्र खाली क्रेटहरूले छोपेर ल्याएको अवस्थामा अवैध लागुऔषध गाँजा १११ केजी बरामद भएको थियो । निज स्याङ्बो र गाडीलाई नियन्त्रणमा लिई थप अनुसन्धान प्रक्रिया अगाडि बढाइएको प्रहरी प्रवक्ता अर्यालले जानकारी दिए ।
