- वि.सं २o८१ पौष २३ मंगलबार
नेकपा (माओवादी केन्द्र)का अध्यक्ष पुष्पकलम दाहाल प्रचण्डले पूर्वउपराष्ट्रपति नन्दबहादुर पुनलाई पार्टीले सक्रिय राजनीतिमा नल्याएको बताएका छन्।
तीन दिनसम्म चलेको पार्टीको केन्द्रीय समिति बैठकको अन्तिम सत्रलाई सम्बोधन गर्दै प्रचण्डले पुनले आफैँ राजनीतिमा आउने चाहना व्यक्त गरेको बताए।
पुनकै चाहनाका कारण उनलाई आमन्त्रित रूपमा बैठकमा सहभागी गराएको जानकारी दिँदै प्रचण्डले अन्य नेताहरूको कार्यविभाजन गर्दा उनको पनि गरिने स्पष्ट पारे।
अध्यक्ष प्रचण्डले अब अभियानमार्फत व्यापक रूपमा जनताको बिचमा गएर महाधिवेशनमा जाने बताए।
