- वि.सं २o८१ कार्तिक २२ बिहीबार
पर्खालले किच्दा मोरङको रंगेली नगरपालिका– ८, निचामारीमा एक बालिकाको मृत्यु भएको छ।
आफ्नै घरमा ईँटाले बनेको मन्दिरको पर्खाल झरेर किच्दा स्थानीय कसरलाल ताजपुरियाकी २ वर्षीया छोरी शोभा ताजपुरियाको मृत्यु भएको हो।
बुधबार साँझ साढे ५ बजे पर्खालले किचेर घाइते भएकी बालिकालाई उपचारका लागि जिल्ला अस्पताल मोरङ लगिए पनि उनको उपचारकै क्रममा मृत्यु भएको मोरङ प्रहरीले जनाएको छ। घटनाबारे इलाका प्रहरी कार्यालय रंगेलीले अनुसन्धान गरिरहेको छ।
