कात्तिक १७ गते शनिबारदेखि २३ गते शुक्रबारसम्मको साप्ताहिक राशिफल

ज्योतिष तथा वास्तुविद् सुरेशचन्द्र रिजालले तयार पारेको कात्तिक १७ गते शनिबारदेखि कात्तिक २३ गते शुक्रबारसम्मको साप्ताहिक राशिफल पढ्नुहोस् :

मेष : (चु, चे, चो, ला, लि, लु, ले, लो, अ)

व्यावसायिक क्षेत्रबाट राम्रो लाभ प्राप्त हुनेछ । साथीहरूसँग मनोरञ्जन गर्ने अवसर जुर्नेछ । बौद्धिक प्राज्ञिक गतिविधिमा संलग्न हुनुपर्नेछ । कुनै नयाँ उद्योगधन्दा वा व्यवसायको थालनी गरेमा व्यावहारिक रूपमा फाइदा पुग्नेछ । उपलब्धिमूलक यात्रा हुने योग छ । मनपर्ने व्यक्तित्वहरूसँग सहकार्यको वातावरण बन्नेछ । वैदेशिक यात्रामा सफलता मिल्नेछ । मानप्रतिष्ठा तथा सम्मानितको शुभयोग निर्माण भएको छ ।

वृष : (इ, उ, ए, ओ, बा, बि, बु, बे, बो) 

यात्राबाट लाभदायक परिणाम प्राप्त हुनेछ । विशिष्ट व्यक्तित्वसँग भेटघाट हुनेछ । पारिवारिक जमघटमा मन रमाउनेछ । व्यावसायिक काममा सामान्य फाइदा उठाउन सकिनेछ। नयाँ पारिवारिक सम्बन्ध अगाडि बढ्नेछ । खेलकुदका क्षेत्रबाट सोचेअनुसार सफलता मिल्नेछ ।  बिहीबार एवं शुक्रबार भने  इष्टदेवको पूजा उपासना गरी अगाडि बढ्दा फाइदा हुने देखिन्छ ।

 मिथुन : (का, कि, कु, घ, ङ, छ, के, को, ह) 

काममा केही प्रतिस्पर्धा गर्नुपर्ने देखिन्छ । शत्रुहरूको चलखेल बढ्नाले केही अप्ठ्यारोमा परिने सम्भावना देखिन्छ । व्यापार तथा उद्योगतर्फ फाइदाको योग बनेको  छ । आम्दानी बढ्ने र फाइदा उठाउने समय छ। परिवारजन तथा आफन्तको सहयोग मिल्नेछ । कर्म गरेबापत राम्रै सफलता मिल्नुका साथै सहयोगीहरूको साथ पूर्ण रूपमा मिल्नेछ। साताको अन्त्यमा इष्टदेवको पूजा–उपासना गरी अगाडि बढ्दा फाइदा हुने देखिन्छ ।

कर्कट : (हि, हु, हे, हो, डा, डि, डु, डे, डो)

सामाजिक कार्यमा जुट्नुपर्ने योग रहेको छ । आम्दानीमा कमी आउनेछैन । पारिवारिक जीवन सामान्य र सन्तोषप्रद रहनेछ । अभिभावकवर्ग, गुरुजन र ठुलाबडाको आशीर्वाद प्राप्त भएमा कार्य सम्पन्न हुनेछ । धार्मिक कार्यमा सरिक हुने अवसर मिल्नेछ । घरमा नयाँ सदस्यको आगमनले मनमा उत्साह थपिनेछ। पारिवारिक भेटघाटमा समय बित्नेछ। नयाँ योजनाहरू सफल हुनेछन् । साताको अन्त्यमा चोटपटकको योग रहेकाले इष्टदेवको पूजा उपासना गरी अगाडि बढ्दा शुभ हुनेछ ।

सिंह : (मा, मि, मु, मे, मो, टा, टि, टु, टे)

सुरुमा  स्वास्थ्य कमजोरी हुनुका साथै झमेला व्यहोर्नुपर्दा आफन्तजनहरू टाढिन सक्नेछन् । निर्णय गलत ठाउँमा पर्नाले फाइदा अर्कैको हातमा जाने सम्भावना छ । मंगलबारदेखि भने प्रयत्नले महत्त्वपूर्ण काम बन्नेछन् । धन आर्जन हुने योग रहेकाले लगानी गर्दा फाइदा पुग्नेछ । काममा सहयोगीहरूको साथले सोचेजस्तै सफलता मिल्नेछ । प्रतियोगितामा सफलता मिल्ने योग रहेकाले सहभागी हुँदा सम्मान बढ्नेछ । पारिवारिक मिलनको योग रहेको छ ।  नयाँ कार्यको थालनी हुने योग रहेको छ ।

कन्या : (टो, प, पि, पु, ष, ण, ठ, पे, पो)

साता सोचेअनुसार नै अगाडि बढ्नेछ । प्रेममा सफलता प्राप्त हुने योग छ । सामान्य विवादले ठुलो रूप लेला, तैपनि तपाईंकै जित हुनेछ । नयाँ कार्यको थालनी हुने सम्भावना छ । सरकारी जागिरेका लागि उपयुक्त समय आएको छ । कतै छोटो दूरीको विशिष्ट र लाभदायी यात्रा पनि हुन सक्छ भने अन्यायमा परिने योग रहेकाले विशेष सावधानी अपनाउनुपर्नेछ। साताको अन्त्यमा गुमेको धन आर्जन हुने योग रहेको छ । 

तुला :  (र, रि, रु, रे, रो, ता, ति, तु, ते)
आर्थिक समस्याले संकट उत्पन्न गर्न सक्छ । रकमको कारोबार र लेनदेनमा विवाद आउन सक्छ । जुवातास र सट्टेबाजीबाट जोगिनुहाेला । नचाहेको जिम्मेवारी वहन गर्नुपर्ने हुन सक्छ । परिवारका कुनै सदस्यको अस्वस्थताका कारण चिन्तित हुने सम्भावना छ । व्यापारमा केही कठिनाइ आउनेछ । यात्रा गर्ने अवसर  मिले पनि विवादको समाना धेरै गर्नुपर्ला  । अधुरा काम बन्ने तथा नयाँ काम पाउने योग छ । 

वृश्चिक : (तो, ना, नि, नु, ने, नो, या, यि, यु)

मानसम्मानमा वृद्धि हुनेछ । महत्त्वपूर्ण ठाउँमा बोली बिक्नेछ । बौद्धिक चिन्तन वा विचारले धेरैलाई आकर्षण गर्ने समय छ । प्रशंसकहरू बढ्नेछन् । सहयोगीहरूले काममा साथ दिनेछन् । घरजग्गा जोड्ने समय छ । प्रयास गर्दा सफलता पाउनुहोला । पढाइमा रुचि बढ्न‍ेछ । बौद्धिकता बढ्ने र धर्ममा रुचि बढ्नेछ । राज्यबाट सम्मान पाउने  योग छ ।  बोलीको प्रभावमा अरूको मन जित्न सकिए पनि परिवारबाट सहयोग मिल्नेछैन ।

धनु  : (ये, यो, भ, भि, भु, ध, फा, ढ, भे)

आत्मीयजनसँग भेटघाटले मनमा कान्ति छाउनेछ । धार्मिक एवं सामाजिक कामको अवसर प्राप्त होला । शिक्षामा उन्नतिका कारण मन खुसी रहनेछ । व्यापार–व्यवसायबाट प्रसस्त आर्थिक लाभ मिल्ने देखिए तापनि सोचेअनुरूपका काम नबन्नाले चिन्तित रहनुपर्ने देखिन्छ । गलत विचार बढ्ने, खर्च बढ्ने, विवाद बढ्ने काममा अवरोध आउने, मनमा चिन्ता बढ्ने र कुरा काट्नेहरू बढ्ने योग भएकाले  संयमता अपनाउनुपर्नेछ ।

मकर : (भो, ज, जि, खि, खु, खे, खो, गा, गि)

व्यापार तथा उद्योगबाट फाइदा हुनेछ । वैदेशिक यात्राका लागी समय बलियो देखिन्छ। आफन्तसँगको भेटघाटले मन प्रसन्न रहला । काममा मातापिताको सहयोग हुनेछ । सानातिना  घरेलु समस्यामा अल्झनुपर्ने देखिन्छ । सवारी साधनबाट विशेष सावधानी अपनाउनुका साथै  वैदेशिक यात्राका लागि गरिएको प्रयास सफल हुनेछ । राज्यले तपाईंको इमानदारिीकाे मूल्यांकन राम्रोसँग गर्नेछ । शरीरमा चोटपटक लाग्न सक्छ । विश्वासमा धोका हुने भएकाले विश्वासमा भन्दा प्रयासमा अघि बढ्नुहोला ।

कुम्भ : (गु, गे, गो, सा, सि, सु, से, सो, द)

प्रारम्भमा केही मात्रमा खर्च बढ्नेछ । अनावश्यक वादविवादका कारण मानसम्मानमा आघात पार्ने देखिन्छ । माता भगवतीको पूजा एवं आराधना गर्दा  लाभ हुनेछ । वैदेशिक व्यापार, कृषि, व्यवसाय र नोकरी गर्नेका लागि याे साता सन्तोषजनक रहनेछ । समाजसेवा गर्दा प्रशंसा प्राप्त हुने योग छ । अरूले गरेका कामको गुण तथा दोष सबैको जिम्मा लिनु पर्नेछ । भाग्यले साथ दिनेछ। ठुला व्यक्तिबाट मानसम्मान पाउने सम्भावना छ। विश्वास गरेकाले नै धोका दिन सक्ने भएकाले संयम रहनुहाेला।

 मीन : (दि, दु, थ, झ, ञ, दे, दो, च, चि)

व्यापार तथा उद्योगबाट फाइदा हुनेछ । वैदेशिक यात्राका लागि गरिएका लगानीबाट फाइदा पुग्नेछ । आफन्तसँगको भेटघाटले मन प्रसन्न रहला । काममा मातापिताको सहयोग हुनेछ । सानातिना  घरेलु समस्या र यात्रामा अल्झनुपर्ने देखिन्छ । सवारीसाधनबाट विशेष सावधानी अपनाउनुहाेला। पढाइमा सफलता राम्रै मिल्नेछ । अरूको मन जित्न सकिनेछ । अरूबाट प्रशंसा पनि पाउनुहोला । ठुला व्यक्तिको विश्वासको पात्र भएर अगाडि बढ्ने अवसर मिल्नेछ ।