- वि.सं २o८१ असार ४ मंगलबार
कांग्रेस सांसद तेजुलाल चौधरीले बजेट विनियोजनमा पक्षपात गरेको भन्दै भौतिक पूर्वाधारमन्त्री रघुवीर महासेठको राजीनामा माग गरेका छन्।
प्रतिनिधिसभामा विनियोजन शीर्षकमा जारी छलफलमा भाग लिँदै सप्तरी- ४ बाट निर्वाचित सांसद चौधरीले आफ्नो जिल्लामा एक लाख त के ५० पैसा पनि नदिएको भन्दै देशको समग्र भौतिक पूर्वाधारको जिम्मा नलिने मन्त्रीको राजीनामा माग गर्छु भनेर विरोध जनाए।
चौधरीले भौतिक पूर्वाधारमन्त्रीको आफूसँग के दुस्मनी छ भनेर पनि सोधेका थिए।
जनकपुरको लेख्नुपर्नेमा भौतिक पूर्वाधार लेखिएको भन्दै उनले रातो किताब फिर्ता गर्दै रोस्ट्रममै छोडेर हिँडेका थिए।
