Skip This
प्रतिनिधिसभाको बैठक स्थगित भएको छ।
कांग्रेसको नाराबाजीबीच आर्थिक वर्ष ०८१/८२ को नीति तथा कार्यक्रम वाचनका लागि राष्ट्रपतिलाई धन्यवाद प्रस्ताव र राजनीतिक दलसम्बन्धी संशोधन विधेयक फिर्ता लिने प्रस्ताव पारित गरेपछि बैठक स्थगित भएको हो।
सभामुख देवराज घिमिरेले अर्को बैठक ११ जेठ शुक्रबार बिहान ११ बजे बस्ने जानकारी गराए।
आजको बैठकमा पनि प्रमुख प्रतिपक्षी दल कांग्रेसले सहकारीको रकम अपचलनको आरोप लगाउँदै उपप्रधानमन्त्री एवं गृहमन्त्री रवि लामिछानेमाथि संसदीय छानबिन समितिको माग गर्दै सदन अवरोध गरेको थियो। कांग्रेसलगायतका प्रतिपक्षी दलका सांसदले लगातार नाराबाजी गरिरहे पनि सभामुख घिमिरेले बैठक सञ्चालन गरेका हुन्।
