- वि.सं २o८१ बैशाख ३१ सोमबार
दुबईमा सम्पन्न कोडिङ तथा रोबोटिक्स प्रतियोगितामा नेपाली विद्यार्थीहरूले तीन अवार्ड जितेका छन्। मे ४ र ५ मा सम्पन्न कोडेभर ५.० मा १८ भन्दा बढी देशका प्रतियोगीको सहभागिता थियो।
निमा एजुकेसन फाउन्डेसन र कोडेभर ५.० कोडिङ प्रतियोगिताको आयोजक स्टिमपेडियाको समन्वयमा नेपालबाट सहभागीहरू छनोट गरिएको थियो।
प्रतियोगितामा एग्रोस्फेयर परियोजनाका लागि एसिया प्यासिफिक स्कुलका अभिमोड उप्रेती, लिअम पराजुली र आदित्य श्रीवास्तवले आउट अफ द बक्स आइडिया अवार्ड पाएका छन्।
यसैगरी, गफजिपिटीका लागि डिअरवाक सिफल स्कुलका दीक्षान्त पाण्डेले सस्टेनिबिलिटी एन्ड लाइब्लिहुड अवार्ड तथा रिलायन्स पब्लिक स्कुलका रिशव लामिछाने, निश्चल अर्याल र स्वस्तिक मिश्रको टोलीले एआई रोबो सिटी च्यालेन्ज परियोजनाका लागि कन्सोलेसन प्राइज हात पारेकाे छ।
