- वि.सं २o८१ बैशाख २० बिहीबार
वसन्त ऋतुको सुरुवातसँगै राराको रूप बदलिन थालेको छ । समुद्री सतहदेखि दुई हजार नौ सय २९ मिटर उचाइमा रहेको कर्णाली प्रदेशकै मुख्य पर्यटकीय स्थल रारा यतिवेला रमणीय भएको छ । हिउँदे मौसम अन्त्यसँगै वसन्त ऋतुको आगमनले राराको प्राकृति सौन्दर्य बिस्तारै बदलिएको छ ।
तालवरिपरिका बोटबिरुवा पालुवा पलाउन थालेका छ्न । विभिन्न जातका रुखहरूमा फूलहरू फुल्न थालेका छन् । वरिपरि लालीगुराँसहरू ढकमक्क फुलेका छन् । गुराँस फुलेपछि राराको सुन्दरता झन् सुन्दर रमणीय बनेको छ ।
