- वि.सं २o८o फाल्गुण १६ बुधबार
नेदरल्यान्ड्सले दिएको एक सय ८५ रनको लक्ष्य पछ्याइरहेको नेपाललाई १२औँ ओभरमा दोहोरो झड्का लागेको छ ।
कप्तान रोहितकुमार पौडेल र विस्फोटक ब्याटर कुशल मल्ललाई नेपालले यही ओभरमा गुमाएको छ । १२औँ ओभरको दोस्रो बलमा साइब्रान्ड एंगलब्रेक्टको बलमा कुशल आउट भएका थिए । सात बलमा ११ रन बनाएका कुशललाई तेजा निदामानुरूले क्याच गरेका थिए ।
सोही ओभरको अन्तिम बलमा कप्तान रोहित पनि आउट भए । उनी अर्धशतक बनाएलगत्तै पेभेलियन फर्किएका हुन् । ३५ बलमा दुई छक्का र पाँच चौकाको मद्दतमा ५० रन पूरा गरेपछि अर्को बल खेल्ने क्रममा उनी विकेटकिपर स्कट एडवार्ड्सको हातबाट क्याचआउट भए ।
बलर एंगलब्रेक्टले एलबिडब्लूको अपिल गरे पनि उनलाई अम्पायरले क्याचआउट करार दिए । यी दुवै आउट हुँदा नेपालले १२ ओभरको समाप्तिमा एक सय रन पूरा गरेको छ ।
