- वि.सं २o८o फाल्गुण १३ आइतबार
आइएमई पेले आइजिआई प्रुडेन्सियल इन्स्योरेन्ससँगको सहकार्यमा ‘स्मार्ट हेल्थ : सुरक्षित भवः’ नामक नयाँ बिमा सुविधा सार्वजनिक गरेको छ ।
आइएमई पेमार्फत प्राप्त गर्न सकिने यो सेवाबाट ग्राहकले व्यक्तिगत दुर्घटना बिमाअन्तर्गत बिमित व्यक्ति र तिनका परिवारलाई आकस्मिक चोटपटक या मृत्युसम्मको अवस्थामा उच्चतम आर्थिक सुरक्षा प्रदान गर्ने कम्पनीले जनाएको छ ।
तीन सय ६५ रुपैयाँ प्राप्त गर्न सकिने यो सेवामार्फत उपचारका क्रममा लाग्ने दुई लाख ३० हजार रुपैयाँसम्मको बिमा दाबी प्राप्त गर्न सकिनेछ । त्यस्तै, आइएमई पेमा उपलब्ध अन्य स्वास्थ्य सेवामा पनि विभिन्न छुट प्राप्त गर्न सकिने कम्पनीले जनाएको छ ।
यस व्यक्तिगत दुर्घटना बिमाले दुर्घटनाबाट हुने आकस्मिक मृत्यु, स्थायी अक्षमता, कुल आंशिक अक्षमता, नियमित आम्दानीमा हुने हानि, आकस्मिक चिकित्सामा खर्च, शोक व्यय तथा अन्त्येष्टि खर्चसमेत समेटेको बताइएको छ । डिजिटल फाइनान्सियल सर्भिसमार्फत बिमाको दायरालालई थप फराकिलो बनाउन सकिने यो सेवा कोसेढुंगा सावित हुने विश्वास आइएमई पेका प्रमुख कार्यकारी अधिकृत प्रवीण रेग्मीले बताए ।
