आइसिसी क्रिकेट विश्वकप लिग– २ मा नेदरल्यान्ड्सविरुद्ध नेपालले पहिलो विकेट गुमाएको छ । ओपनर आसिफ शेख २७ बलमा १७ रन बनाएर आउट भएका हुन् । उनलाई भिभियन किंमाले डी लिडबाट क्याच गराएका हुन् ।
८.३ मा पहिलो विकेट गुमाउँदा नेपाल ४२ रन बनाउन सफल भएको छ । तेस्रो नम्बरका अनिल शाह क्रिजमा आएका छन् ।कीर्तिपुर मैदानमा टस हारेको नेपालले सुरुवाती ब्याटिङ गरिरहेको छ ।
प्रशिक्षक मोन्टी देसाईले सोमपाल कामी र देव खनाल बाहिर राख्दा आसिफ शेख र गुल्सन झाले कमब्याक गरेका छन् ।यसअघिको तीनमध्ये दुई खेलमा नेपाल पराजित भइसकेको छ ।