Skip This
भारतको जोगबनीस्थित रेल्वे स्टेसननजिक एक नेपाली युवामाथि गोली प्रहार भएको छ । गोलीको छर्रा लागेर विराटनगर महानगरपालिका– ८ मधुमारा घर भएका २७ वर्षीय निर्दोष संग्रौला घाइते भएका छन् ।
तिघ्रामा गोली लगेका संग्रौलाको कोशी अस्पतालमा उपचार भइरहेको मोरङका प्रहरी प्रमुख एसपी दीपक पोखरेलले जानकारी दिए ।
गोली लागेका युवा उपचारका लागि कोशी अस्पताल पुगेपछि घटनाबारे प्रहरीले जानकारी पाएको हो । प्रहरीले घाइते युवासँग गरेको प्रारम्भिक सोधपुछबाट आइतबार दिउँसो उनी रेल्वे स्टेसनतिर गएका थिए । स्टेसनभन्दा करिब सय मिटर परबाट गोली प्रहार भएको थियो ।
घाइते युवाको उपचार चलिरहेकाले थप विवरण बुझ्न बाँकी रहेको एसपी पोखरेलले बताए ।
2024-09-18-01-30-27.gif)
2024-09-18-01-30-29.gif)
