अक्टाेबरमा कोभिड अघिभन्दा बढी भित्रिए पर्यटक

बुधबार, १५ कार्तिक, २०८०
डिजिटल संस्करण
अक्टाेबरमा कोभिड अघिभन्दा बढी भित्रिए पर्यटक

फाइल तस्बिर

नेपालकाे पर्यटन व्यवसाय लयमा फर्किएकाे छ। अक्टाेबर महिनामा नेपालमा एक लाख १७ हजार जनाभन्दा धेरै पर्यटक नेपाल भित्रिएका छन्। 

नेपाल पर्यटन बाेर्डका अनुसार अक्टाेबरमा एक लाख १७ हजार तीन सय ६ जना पर्यटक नेपाल भित्रिएका हुन्। याे संख्या काेराेना महामारी सुरु हुनुअघि सन् २०१९ काे तुलनामा ६ प्रतिशतले धेरै हाे।

अक्टाेबरमा सबैभन्दा धेरै भारतबाट १८ हजार चार सय ८० जना पर्यटक आएका छन्। यस्तै, अमेरिकाबाट १४ हजार आठ सय ७९, बेलायतबाट आठ हजार दुई सय १७, चीनबाट ६ हजार आठ सय ८०, अस्ट्रेलियाबाट ६ हजार ७५, जर्मनीबाट पाँच हजार नाै सय १६, फ्रान्सबाट पाँच हजार दुई सय ७१, बंगलादेशबाट चार हजार दुई सय ९२, श्रीलंकाबाट दुई हजार पाँच सय सात र इटालीबाट दुई हजार चार सय ६७ जना पर्यटक आएका छन्।

याे अंग्रेजी वर्षकाे १० महिना अर्थात् जनवरीदेखि अक्टाेबरसम्म नेपालमा आठ लाख नाै हजार ६ सय ७८ जना पर्यटक नेपाल आएका छन्।

सुझावित समाचार