- वि.सं २o८o कार्तिक १५ बुधबार
सिटिजन्स बैंक इन्टरनेसनल लिमिटेडका ग्राहकले काठमाडौंको बत्तीसपुतलीमा रहेको द्वारिकाज होटेलमा छुट पाउने भएका छन् । बैंकका ग्राहकलाई छुट दिने सम्बन्धमा होटेलसँग समझदारी भएको हो ।
समझदारीअनुसार सिटिजन्स बैंकका कार्डवाहक ग्राहकले द्वारिकाज होटेलले सञ्चालन गरेको माकोज रेस्टुरेन्ट र तोरन रेस्टुरेन्टमा १० प्रतिशतसम्म छुट पाउने जनाइएको छ । यस किसिमको सहकार्यबाट बैंकका ग्राहक लाभान्वित हुनुका साथै नगद कारोबारबाट डिजिटल कारोबारतर्फ उत्प्रेरित हुने बैंकले विश्वास व्यक्त गरेको छ । हाल बैंकले देशभरमा एक सय ८८ शाखा, एक सय ४८ एटिएम र ९७ शाखारहित बैंकिङ इकाइमार्फत आधुनिक बैंकिङ सेवा दिइरहेको जनाएको छ ।
