- वि.सं २o८१ पौष ११ बिहीबार
चर्चित भारतीय क्रिकेटर विराट कोहली अस्ट्रेलियास्थित नेपाली रेस्टुरेन्टमा पुगेर खाजा खाएका छन्। क्रिसमसको अवसरमा बुधबार बिहान उनी परिवारसहित मेलबर्नस्थित क्याफे कोर्टमा पुगेका हुन्।
रेस्टुरेन्टको किचनमै पुगेर उनले नेपाली कामदाररूसँग फोटो खिचाएका थिए। रेस्टुरेन्टकी सञ्चालक प्रकृति सिग्देलले विराट कोहली र अनुष्का शर्मा आउँदा आफू सुरुमा आत्तिएजस्तो भएको बताएकी छिन्।
अस्ट्रेलियासँगको टेस्ट सिरिजका लागि विराट कोहली अस्ट्रेलियामा छन्। बिहीबारदेखि मेलबर्नमा सिरिजको चौथो टेस्ट सुरु भएको छ ।
