- वि.सं २o८o असोज २५ बिहीबार
प्रहरी प्रधान कार्यालयले बाँके र सर्लाहीका प्रहरी उपरीक्षक (एसपी)को सरुवा गरेको छ। बाँकेका सन्तोषसिंह राठौर र सर्लाहीका नरेशराज सुवेदीलाई हटाएर बाँकेमा सुवासचन्द्र बोहरा र सर्लाहीमा प्रवीण धिताललाई पठाइएको छ।
ती जिल्लामा हालै हिन्दु–मुस्लिमबीच सद्भाव बिग्रिएको थियो। शान्ति सुरक्षामा चुकेपछि कारबाहीस्वरूप दुई जिल्लाका एसपीलाई हटाइएको प्रहरी स्रोत बताउँछ।
गृह मन्त्रालयले बिहीबार नै बाँके र सर्लाहीका प्रमुख जिल्ला अधिकारी पनि हेरफेर गरेको थियो। बाँकेका विपिन आचार्य तथा सर्लाहीका इन्द्रदेव यादवलाई हटाइएको छ। बाँकेमा श्रवणकुमार तिमल्सिना र सर्लाहीमा कोमलप्रसाद धमलालाई पठाइएको छ।
रुपन्देही, सिराहा तथा धनुषाका एसपीको पनि कार्यसम्पादन राम्रो नभएकाले सरुवाको तयारी भइरहेको प्रहरी स्रोत बताउँछ।
