- वि.सं २o८o श्रावण २९ सोमबार
नेपाली कांग्रेसका सभापति एवं पूर्वप्रधानमन्त्री शेरबहादुर देउवाले सुनको आयातलाई सहज बनाउनुपर्ने बताएका छन्। संसदीय दलको बैठकमा बोल्दै देउवाले करको दायरामा ल्याई सुन आयातलाई सहज बनाउनुपर्ने बताएका हुन्।
बैठकमा सभापतिले राखेका विषयबारे ब्रिफिङ गर्दै नेता रामहरि खतिवडाले भने, ‘शेरबहादुर दाइले कर तिरेर सुन (आयात) खुला गर्नुपर्छ भन्नुभयो। अन्तर्राष्ट्रिय रूपमा कहीँ तस्करी भन्ने उल्लेख गरेको छैन, रोकेको पनि छैन।’
मागअनुसारको आयात नहुँदा सुन तस्करी भएको भन्दै देउवाले करको दायरामा ल्याई सुन आयातलाई सहज बनाउनुपर्ने धारणा राखेका हुन्।
