- वि.सं २o८१ बैशाख २० बिहीबार
म्यानचेस्टर सिटीले जर्मन क्लब आरबी लिपजिगका क्रोएसियन डिफेन्डर जेस्को ग्वार्डिओललाई अनुबन्ध गर्ने भएको छ । इंग्लिस प्रिमियर लिगको साबिक विजेता सिटीले ७७ मिलियन पाउन्ड खर्चंदै जेस्कोलाई ल्याउने तयारी गरेको हो । सन् २०२१ मा डायनेमो जाग्रेबबाट लिपजिग आएपछि ग्वार्डिओल क्लबका मुख्य खेलाडी रहँदै आएका छन् ।
सिटी प्रशिक्षक पेप ग्वार्डिओलाले जेस्कोको आगमनले डिफेन्स लाइन थप बलियो हुने बताएका छन् । नयाँ सिजनका लागि सिटीले दोस्रो खेलाडीका रूपमा जेस्कोलाई भित्र्याउन लागेको हो ।
यसअघि चेल्सीबाट माटेओ कोवासिसलाई २५ मिलियन पाउन्डमा सिटीले अनुबन्धित गरेको थियो । क्रोएसियाका अन्तर्राष्ट्रिय खेलाडी जेस्कोले अन्तर्राष्ट्रिय दुई गोल गरेका छन् । उनले सन् २०२२ को विश्वकपमा क्रोएसियालाई तेस्रो स्थान दिलाउन महत्वपूर्ण भूमिका खेलेका थिए ।
