- वि.सं २o८o असार २२ शुक्रबार
जिल्लाको गमगढी–तारापानी सडकखण्डमा सडकमाथिबाट आएको पहिरोमा पुरिएर डोजरचालकको मृत्यु भएको छ।
छायानाथ रारा नगरपालिका– ३ फुली गाउँमा सडक खन्ने क्रममा माथिबाट आएको पहिरोले पुरिँदा सुर्खेत वीरेन्द्रनगर नगरपालिका– ७ का २४ वर्षीय पवन घिमिरेको मृत्यु भएको जिल्ला प्रहरी कार्यालय मुगुका निमित्त कार्यालय प्रमुख सुदर्शन पन्थीले जानकारी दिए।
उनका अनुसार लगातारको वर्षाले उक्त सडकको ठाउँठाउँमा पहिरो आई अवरुद्ध भएपछि पहिरो पन्छाउन गएको डोजर काम सकाएर फर्कँदै गर्दा बिहीबार राति बामधारा भन्ने स्थानमा सडकमाथिबाट आएको पहिरोले पुरिँदा चालक घिमिरेको घटनास्थलमै मृत्यु भएको हो।
