कौसीमा के रोप्ने ?

कौसी खेती बढेसँगै सहरका घरहरूमा पनि हरियाली देखिन थालेको छ । घरको छतमा गमला, काठको बाकस, सिमेन्टको बोरा र प्लास्टिकको थैलामा उचित मात्रामा माटो र मलको प्रयोग गरेर फलफूल तथा तरकारी रोप्न सकिन्छ । 

कौसीमा विशेष गरी छोटो समयमै फल्ने फलफूल तथा तरकारी रोप्दा उपयुक्त हुन्छ । मूला, काउली, बन्दा, लौका, खुर्सानी, फर्सी, सिमी, घिरौँला, धनियाँ, मेथी, चना, पालुङ, लसुन, रायोको साग, गाँजर,  रोप्दा राम्रो हुन्छ । कौसीमा गोलभेँडा, बन्दालगायत सिजनअनुसारका तरकारी पनि फलाउन सकिन्छ । 

बिरुवा रोपेर मात्रै हुँदैन । यसलाई हेरचाह पनि उत्तिकै महत्वपूर्ण हुन्छ । कौसीमै राख्दा तापक्रम एकदमै धेरै हुन्छ । तापक्रम धेरै भयो भने बिरुवालाई पनि असर पनि गर्छ । त्यसका लागि स्ट्यान्ड बनाएर राख्नुपर्छ ।

स्ट्यान्डमाथि सकेसम्म टनेल पनि बनाउँदा राम्रो हुन्छ । तापक्रम ब्यालेन्सका लागि बजारमा ‘वाटरपु्रफ’ प्लास्टिक पनि पाइन्छ । धेरै पानी र धेरै घाम पनि नहोस् भनेर प्लास्टिक प्रयोग गरिन्छ । गर्मी र जाडोमा यसले इन्सुलेसनको रूपमा काम गर्छ ।