- वि.सं २०८१ बैशाख १५ शनिबार
सरकारले ठूला वैदेशिक सहायतालाई ठूला परियोजनामा केन्द्रित गर्ने भएको छ ।
आगामी आर्थिक वर्ष ०८०–८१ का लागि सरकारले ल्याएको नीति तथा कार्यक्रममा त्यस्तो उल्लेख छ ।
नयाँ बानेश्वरस्थित संसद् भवनमा जारी दुवै संसद्को बैठकमा राष्ट्रपति रामचन्द्र पौडेलले अहिले नीति तथा कार्यक्रम वाचन गरिरहेका छन् ।
राष्ट्रपति रामचन्द्र पौडेलले सरकारकाे नीति तथा कार्यक्रम प्रस्तुत गर्दै भने, ‘सार्वजनिक ऋणको अधिकतम प्रतिफल प्राप्त हुने गरी अन्तर्राष्ट्रिय सहयोगको उपयोग गरिनेछ ।’
उनले अन्तर्राष्ट्रिय सहायतालाई राष्ट्रिय गौरव, रूपान्तरणकारी र उच्च प्राथमिकतायुक्त आयोजनाको सञ्जालमा केन्द्रित गर्ने नीति सरकारले लिने बताए ।
