- वि.सं २o७९ चैत २३ बिहीबार
ओछ्यानमा पैसा छरेकाे भिडियो टिकटकमा पोस्ट गर्ने व्यक्तिलाई प्रहरीले पक्राउ गरेकाे छ । महोत्तरी बर्दिवास– १ घर भई ललितपुरको टीकाथली बस्ने सुलभ आचार्यलाई प्रहरीले सचेत गराई निगरानीमा रहने गरी छाडेकाे हाे।
आचार्यले केही समयअघि ओछ्यानमा पैसा फिँजाएकाे भिडियो टिकटकमा राखेका थिए । उनलाई पक्राउ गरी सोधपुछ गर्दा अध्ययनका लागि विदेश जाने क्रममा कलेज फी बुझाउन बैंकबाट निकालेको पैसा रमाइलोका लागि भिडियो बनाएर पाेस्ट गरेकाे पाइएकाे प्रहरीले जनाएको छ ।
उनले उक्त रकम एभरेस्ट बैंकबाट निकालेका थिए। आगामी दिनमा त्यस्ता गतिविधि नगर्ने सर्तमा निगरानीमा रहने गरी सचेत गराई छाडिएको प्रहरीले जनाएको छ ।
