प्रदेश १ को प्रदेश सभा बैठक सुरु भएको छ। यससँगै प्रदेशको नामकरण प्रक्रिया अघि बढेको छ। 

एकीकृत समाजवादी र जसपाले प्रदेशको नाम किराँत लिम्बुवान सगरमाथा नामकरण गरी प्रस्ताव दर्ता गराएका थिए। 

उक्त प्रस्ताव बहुमतले अस्वीकृत भएको सभामुख बाबुराम गौतमले जानकारी गराए। 

प्रदेश सभामा एमालेले दर्ता गराएको कोसी प्रदेशको प्रस्तावलाई छलफलका लागि स्वीकार गर्दै अगाडि बढाइएको छ। 

आज प्रदेश सभा बैठकमा नामकरणमाथि निर्णायक छलफल भइरहेको छ। एमालेको प्रस्तावमा कांग्रेस र माओवादी केन्द्रले सहमति जनाइसकेका छन्।