- वि.सं २o८१ बैशाख २५ मंगलबार
बाजुरामा भूकम्पका कारण केही घर भत्किएकाे विवरण आएकाे छ। बझाङ सदरमुकाम चैनपुरमा भूकम्पले चर्किएको चारतले घरमाथि बनाइएको मन्दिर र अन्य केही भवनमा क्षति पुगेकाे छ। भूकम्पबाट बझाङ कृषि ज्ञान केन्द्रकाे भवन भत्किएको विवरण प्राप्त भएकाे छ।
बाजुरा हिमाली गाउँपालिका विच्छयाको मेला आपपास केन्द्रबिन्दु भएर दिउँसो २ः४३ मा गएको ५.९ म्याग्नेच्युटको भूकम्पमा सातवटा घरमा क्षति पुगेको विवरण प्राप्त भएको छ।
भूकम्पको धक्कापछि सञ्चार विच्छेद हुँदा विवरण संकलन गर्न असहज भएको जिल्ला प्रहरी कार्यालय बाजुराका प्रमुख, प्रहरी नायव उपरीक्षक सूर्य थापाले जानकारी दिए।
उनका अनुसार मानवीय क्षतिको सूचना अहिलेसम्म आएको छैन। थप विवरण संकलन गर्ने कार्य भइरहेको डिएसपी थापाले बताए। भूकम्पको धक्का नेपालको साथै भारतका सीमावर्ती क्षेत्रमा महसुस गरिएको छ।
