- वि.सं २o७९ माघ १० मंगलबार
सेन्ट्रल फाइनान्स लिमिटेडले मोरङ, विराटनगरमा नयाँ शाखा सञ्चालनमा ल्याएको छ । संस्थाको १९औँ शाखाका रूपमा उक्त शाखा सञ्चालनमा ल्याएको कम्पनीले जनाएको छ ।
नेपाल राष्ट्र बैंकबाट ‘ग’ वर्गको इजाजतपत्रप्राप्त यस संस्थाको ललितपुरस्थित केन्द्रीय कार्यालयसँगै देशभर १७ वटा शाखा र एक एक्सटेन्सन काउन्टर सञ्चालनमा छन् । संस्थाले कारोबार विस्तारका क्रममा छिट्टै नै रौतहटको चन्द्रपुरमा थप एक नयाँ शाखा सञ्चालनमा ल्याउन लागेको जनाएको छ ।
संस्थाले सेन्ट्रल स्मार्ट मोबाइल बैंकिङ एप, एटिएम कार्ड, चेक क्लियरिङ, आइपिएस, कनेक्ट आइपिएस, कर्पोरेट पे, रेमिट्यान्स सेवा, सिआस्बाजस्ता बैंकिङ सेवा प्रदान गर्दै आएको छ । संस्थाले आधुनिक प्रविधिको उच्चतम प्रयोग गरी थप डिजिटल बैंकिङ सेवा प्रदान गर्दै लैजाने लक्ष्य लिएको जनाएको छ ।
