- वि.सं २o७९ माघ ६ शुक्रबार
काठमाडौंको भृकुटीमण्डपमा ‘नेपाल इलेक्ट्रिक पावर लाइट्स अन्तर्राष्ट्रिय प्रदर्शनी’ र ‘नेपाल फर्मा एन्ड हेल्थ’ प्रदर्शनी सुरु भएको छ । आज शुक्रबारदेखि सुरु भएको प्रदर्शनी माघ ८ सम्म चल्नेछ ।
प्रदर्शनी मिडिया स्पेस सोलुसन्स (एमएसएस)का साथै एक्जिबिसन एन्ड ट्रेड सर्भिसेस इन्डिया प्रा.लि. (इटिएसआइपिएल) तथा फ्युचरेक्स ट्रेड फेयर्स एन्ड इभेन्ट्स् प्रा.लि.को संयोजकत्वमा सुरु भएको हो ।
अन्तर्राष्ट्रिय ऊर्जा र विद्युत्, औषधोपचार, स्वास्थोपचार तथा फार्मेसीसँग सम्बन्धित प्रदर्शनी नेपालको पहिलो, एक मात्र र सबैभन्दा बृहत् रहेको आयोजकको दाबी छ । प्रदर्शनीमा स्वदेशी तथा विदेशी गरी सयभन्दा बढी कम्पनीको स्टल रहेको छ ।
