- वि.सं २o८१ बैशाख २५ मंगलबार
प्रधानमन्त्री पुष्पकमल दाहाल ‘प्रचण्ड’ र उपप्रधानमन्त्री एवं गृहमन्त्री रवि लामिछानेबीच भेटवार्ता भएको छ।
आज साँझ प्रधानमन्त्रीनिवास बालुवाटारमा भएको भेटका क्रममा मन्त्रिपरिषद् विस्तारलगायतका समसामयिक राजनीतिक विषयमा छलफल भएको प्रधानमन्त्रीको सचिवालयले जनाएको छ।
प्रधानमन्त्री प्रचण्डले प्रतिनिधिसभाबाट मंगलबार विश्वासको मत लिएसँगै मन्त्रिपरिषद् विस्तारबारे सत्तारुढ नेताका नेताहरूबीच छलफल चलिरहेका छन्।
आज बिहान मात्रै प्रधानमन्त्री प्रचण्ड र नेकपा एमालेका अध्यक्ष केपी शर्मा ओलीबीच भएको भेटवार्ताका क्रममा मन्त्रिपरिषद् विस्तारकै बारेमा छलफल भएको थियो। प्रधानमन्त्री प्रचण्डलाई मंगलबार दुई तिहाइ बढी विश्वासको मत प्राप्त भएको थियो।
