- वि.सं २o७९ पौष २६ मंगलबार
अपांगता भएकाहरूलाई समावेशी ढंगबाट शिक्षामा जोड्ने कार्ययोजना तयार गर्न भरतपुरमा गोष्ठी सम्पन्न भएको छ । सातवटा प्रदेशबाटै राष्ट्रिय अपांग महासंघमा आबद्ध भएका संस्थाका प्रतिनिधिहरूलाई सहभागी गराएर अटिजम केयर चितवन सोसाइटीले ९ देखि २२ पुससम्म गोष्ठी आयोजना गरेको थियो ।
गोष्ठीलाई हेन्डिक्याप इन्टरनेसनल र युके एड्ले सहयोग गरेका थिए । कार्यक्रममा चितवनका आठ संस्थाका प्रतिनिधिसहित देशभरका २८ संस्थाका ४९ जनाको सहभागी भएको हेन्डिक्याप इन्टरनेसनलका प्रोजेक्ट सुपरभाइजर रमेश बरालले जानकारी दिए ।
अटिजम केयर चितवन सोसाइटिले भरतपुर र कालिका परियोजना सञ्चालन गरेको छ । जसअन्तर्गत कार्यगत क्षमता पहिचानका लागि विभिन्न विद्यालयमा सोसाइटीले १४ सय ४९ जनालाई सेवा दिएको छ ।
जहाँ विद्यालयबाहिरका एक सय ५५ जना थिए । जसमध्ये आठ सयभन्दा बढीलाई भरतपुर अस्पतालबाट रिफर गरिएको छ । त्यसको खर्च संस्था आफैँले गर्ने परियोजनाका संयोजक सुमन पौडेलले बताए ।
