![](https://nayapatrika.blr1.cdn.digitaloceanspaces.com/news/images/literature2022-12-23-08-52-56.jpeg)
पोखरामा बुधबारदेखि सुरु भएको दशाैँ संस्करणको नेपाल लिट्रेचर फेस्टिभल २०२२ को दोस्रो दिन वरिष्ठ संगीतकार स्वर्गीय गोपाल योञ्जनको सम्झनामा सांगीतिक कार्यक्रम गरिएको छ । योञ्जनको स्वर्गारोहणको २५ वर्षमा गोपालय सांगीतिक प्रस्तुति दिइएको हो ।
कार्यक्रममा कवि नवराज पराजुलीले योञ्जनका कृतिहरू वाचन गरेका थिए । त्यस्तै, उज्ज्वल सागर, बानिका प्रधानलगायतले योञ्जनका गीत गाएका थिए । कार्यक्रममा गोपाल योञ्जनका गीतहरूको संग्रह गोपालयसमेत लोकार्पण गरियो ।
नेपाली कला, साहित्य र संस्कृतिलाई प्रवद्र्धन गर्ने उद्देश्यसहित आयोजना गरिएको फेस्टिभलअन्तर्गत बुधबार शुभारम्भ साँझ आयोजना गरिएको थियो । महोत्सवको औपचारिक उद्घाटन बिहीबार पोखरा महानगरपालिकाका प्रमुख धनराज आचार्यले गरे । उद्घाटन सत्रमा काठमाडौं विश्वविद्यालयका रजिस्ट्रार तथा अर्थशास्त्री डा. अच्युत वाग्लेले ‘नेपाल २०९०’ शीर्षकमा विद्वत् प्रवचन दिए ।
उनले आउँदा दिनमा नेपालले अपनाउनुपर्ने विकासको शैली र सम्भावनासँगै राजनीतिक÷सामाजिक नेतृत्वले लिनुपर्ने बाटोबारे आफ्नो धारणा राखे । संसारका बाँकी मुलुकको तुलनामा नेपालको गति ज्यादै सुस्त रहेको उनले बताए । ती मुलुकलाई भेट्ने गरी नेपालीले काम गर्नुपर्ने उनको सुझाव थियो ।
फेस्टिभलमा विभिन्न ५५ सत्रमा छलफल हुनेछ । छलफलमा देश र विदेशका गरी करिब दुई सय साहित्यकार, राजनीतिज्ञ, लेखक, पत्रकार, कलाकार तथा विशिष्ट व्यक्तित्वको सहभागिता रहनेछ ।