कैलाली क्षेत्र नम्बर ३ मा नागरिक उन्मुक्ति पार्टीले अग्रता लिएको छ। तीन हजार २ सय ९५ मत गणना हुँदा नागरिक उन्मुक्तिका उम्मेदवार गंगा चौधरी एक हजार एक सय मतसहित अग्रता कायम गरेका छन्।
गठबन्धनका उम्मेदवार नेकपा माओवादी केन्द्रका कृष्णकुमार चौधरीले आठ सय ५० र नेकपा एमालेका गौरीशंकर चौधरीले पाँच सय ५० मत प्राप्त गरेका छन्।
माओवादी हुँदै एमाले प्रवेश गरेका गौरीशंकर निवर्तमान सांसद हुन्। नागरिक उन्मुक्ती पार्टीले कैलाली १ मा पनि शुरुदेखी अग्रता लिइरहेको छ।
सो पार्टीको तर्फबाट उम्मेदवार रहेकी रञ्जिता चौधरीले अग्रता लिइरहेकी छन्। उनी टीकापुर घटनामा दोषी ठहर भइ आजीवन कारावासको सजाय भोगिरहेका रेशम चौधरीकी पत्नी हुन्।