- वि.सं २o७९ मङ्सिर ४ आइतबार
प्रतिनिधिसभा तथा प्रदेश तथा सदस्य निर्वाचनको क्रममा सिराहाको कर्जन्हा–६ मा प्रहरीले तीन राउन्ड हवाई फायर गरेको छ।
कर्जन्हा नगरपालिका-६ जनता माध्यमिक विद्यालय बडहारामाल बुथमा प्रतिनिधिहरूबीच भडप भएपछि प्रहरीले ३ राउन्ड हवाई फायर गरेको छ।
मतपेटिका राख्ने विषयमा जसपा-नेकपा एसबीच विवाद भएको प्रहरीले जनाएको छ। हवाई फायरपछि अवस्था सामान्य छ। उक्त केन्द्रमा मतदान जारी रहेको प्रजिअ लालबाबु कवारीले बताएका छन्।
१५ हजार ८ सय मत खस्यो
यस्तै, सिराहा जिल्लाभर करिब १६ हजार मत खसेको छ। विहान १० बजेसम्म सिरहा जिल्लाभर १५ हजार ८ सय मत खसेको प्रजिअ कवारीले बताए। सिराहा जिल्लाभर ४ लाख २२ हजार मतदाता छन्।
प्रतिनिधिसभामा ८७ जना र प्रदेश सभा सदस्यमा १ सय २३ जना उम्मेदवार छन्। यस्तै, जिल्लाभर २२१ मतदान स्थल र ५ सय ७ मतदान केन्द्र छ।
