पुस २० देखि २६ गते सम्मको साप्ताहिक राशिफल

ज्योतिष तथा वास्तुविद् सुरेशचन्द्र रिजालले तयार पारेको पुस २० गते शनिबारदेखि पुस २६ गते शुक्रबारसम्मको साप्ताहिक राशिफल पढ्नुहोस् 

मेष (चु, चे, चो, ला, लि, लु, ले, लो, अ) : साताको प्रारम्भमा नातेदारले अपमानित तुल्याउन सक्छन् । जीवनसाथी वा बालबच्चासँग कुराकानी गरी व्यवहारिक जानकारी लिनु राम्रो हुनेछ । बिहीबारदेखि आम्दानी बढ्नाले जीवनशैलीमा सुधार ल्याउन सकिनेछ।आर्थिक समस्या निराकरण गर्ने उपाय पत्ता लाग्नेछ । साताको अन्त्यमा महत्त्वपूर्ण अवसर गुम्न सक्नेछ । यात्रामा सावधानी पनि अपनाउनु पर्नेछ ।

बृष (इ, उ, ए, ओ, बा, बि, बु, बे, बो) : साताको प्रारम्भमा आत्मविश्वास र शीघ्र निर्णय गर्ने क्षमता अभिवृद्धि हुनेछ । रोकिएका काम समेत सम्पादन हुनेछन् । पढाइमा पनि राम्रै प्रगति हुनेछ । कसैलाई ज्ञान र अर्ति दिनुभयो लाभ हुने छ । बुधबारदेखि  प्रतिस्पर्धीहरूले औंला ठड्याउने अवसर पाउने छन् । विलासिता र मनोरञ्जनका लागि समय र धन खर्च हुनसक्छ । सप्ताहान्तमा नयाँ सवारी साधन खरिदबिक्रीबाट लाभ मिल्ने छ ।

मिथुन (का, कि, कु, घ, ङ, छ, के, को, ह) : साताको प्रारम्भमा घरपरिवारमा खुसीको वातावरण सिर्जना हुनेछ ।मित्रजनबाट साथ सहयोग मिल्नुका साथै नयाँ कार्यको थालनी हुने छ । राजनीतिक कार्यमा सफलता मिल्नेछ । महिला वा मित्रबाट विशेष सहयोग पनि मिल्नेछ । सप्ताहान्तमा भाग्यले साथ दिनेछ। सहयोगीहरू जुट्नाले नाम, दाम र इनाम हातपार्न सफल भइनेछ। नयाँ मित्रताबाट भरपूर साथ मिल्ने छ । रमाइलो यात्रा र अतिरिक्त आम्दानी हुनेछ।

कर्कट (हि, हु, हे, हो, डा, डि, डु, डे, डो) : साताको प्रारम्भमा पारिवारिक  समस्याका कारण घरबाहिर जानुपर्ने सम्भावना देखिन्छ । सामाजिक र परोपकारका मार्गमा अवरोध हुनेछ । टजोसँग जतिबेला बोले पनि बडो विचार पुर्याएर मात्रै बोल्नु राम्रो हुनेछ । छोराछोरीबाट सन्तोष प्राप्त हुनेछ । साताको  अन्त्यमा अन्तिममा  मनोरञ्जनका लागि समय र धन खर्च हुनसक्छ ।आमा वा मामाको स्वास्थ्यमा नकारात्मक असर पर्न सक्ने योग रहेको छ ।

सिंह (मा, मि, मु, मे, मो, टा, टि, टु, टे) : दीर्घकालिक योजनालाई मूर्त बनाउन चिन्तन महत्त्वपूर्ण बन्न सक्छ । वैदेशिक रोजगारी गर्नेेहरूले घरायसी कुरा सम्झेर समय बिताउने छन् । आकस्मिक रूपमा स्वास्थ्यमा समस्या आउनसक्छ । छोराछोरीको स्वास्थ्य एवं पढाइप्रति जिम्मेवारी बोध हुनेछ । बिहीबारपछि अध्ययन, अध्यापन र लेखनकार्यमा उच्च सफलता प्राप्त हुने छ । व्यावहारिक र प्राविधिक काममा विशेष सफलता प्राप्त हुने छ । 

कन्या (टो, प, पि, पु, ष, ण, ठ, पे, पो) : प्रतियोगितात्मक क्रियाकलापमा सफलता मिल्ने योग रहेको छ । आत्मविश्वासमा अभिबृद्धि हुनेछ । व्यापारमा लगानी गर्ने हरुले सोचेजस्तै लाभ लिन सक्नेछन् । आर्थिक लगानी बढाउदा नाफा हुने देखिन्छ । बिहीबारपछि घरायसी कामधन्दा र पारिवारिक आवश्यकता पूर्तिका लागि खट्नु पर्ने छ । प्रतिस्पर्धीहरू समेत सहयोगीका रूपमा देखापर्नेछन् । विभिन्न भौतिक साधन जुट्नेछन् । वैदेशिक यात्रा सफल हुने छ ।

तुला (र, रि, रु, रे, रो, ता, ति, तु, ते) : साताको प्रारम्भमा शुभ समाचार प्राप्त हुनाले मन फुरुङ्ग हुनेछ । समयलाई उपयोग गर्नसके राम्रो फाइदा लिन सकिने छ । अनावश्यक झमेलाबाट बचेर काम गर्नुपर्ने छ।वैदेशिक  सहयोग मिल्नुका साथै  सफल यात्राको योग रहेकाले सोचेअनुसार फाइदा पुग्ने छ  । सप्ताहान्तमा विद्यार्थीहरूका लागि सुखद समाचार आउला। शैक्षिक यात्राको प्रक्रिया अघि बढ्नेछ। धनार्जनका नयाँ स्रोतहरू पत्ता लाग्नेछन् ।

बृश्चिक (तो, ना, नि, नु, ने, नो, या, यि, यु) : साताको प्रारम्भमा प्रशंसकहरूले साथ दिनेछन् ।नयाँ उद्योगधन्दा वा व्यवसायको थालनी गरेमा व्यवहारिक रूपमा फाइदा पुग्नेछ। अलि जोखिमपूर्ण जिम्मेवारी प्राप्त हुनाले सावधानीका उपाय अवलम्बन गर्नुपर्ने छ । महत्त्वपूर्ण सुचना चुहावट हुनसक्ने योग रहेकोले विशेष साबधानि अपनाउनु पर्ने छ। साताको अन्त्यमा लेनदेन र हिसाबकिताबमा सावधान नहुँदा बीचमा केही विवाद हुन सक्छ ।

धनु (ये, यो, भ, भि, भु, ध, फा, ढ, भे) : विगतमा भएका राम्रा क्रियाकलापको स्मरण हुनेछ ।  राज्यपक्षबाट सम्मानित हुने अवसर पाइने छ । घुमघाम र मनोरञ्जनका क्रममा निराशा भोग्नु पर्छ । बिहीबार क्रोध, प्रतिशोध, रिसराग माथि नियन्त्रण गर्नु राम्रो हुनेछ । नियमित तथा दैनिक कामधन्धा र व्यवसायबाट राम्रो फाइदा हुनेछ।साताको अन्त्यमा गुमेको वा सापटीमा गएको धन फिर्ता आउनेछ ।सहयोगीहरूले सकेको सहयोग गर्नेछन् ।

मकर (भो, ज, जि, खि, खु, खे, खो, गा, गि)  : सुरुमा मातापिताको आशीर्वचन र सल्लाह प्राप्त हुनेछ ।  लामो दूरीको लाभदायक यात्राको सम्भावना छ । सामाजिक र पारिवारिक सम्बन्ध सुदृढ हुनेछ । सामाजिक कामबाट प्रशंसा प्राप्त हुनेछ । सहयोगीहरूले सकेको सहयोग गर्नेछन् । सप्ताहान्तमा स्वास्थ्यमा मौसमी गडबडी देखापर्न सक्छ। सोखले खर्च गराए पनि उद्देश्य पूरा नहुन सक्छ।

कुम्भ (गु, गे, गो, सा, सि, सु, से, सो, द)  : योजना कार्यान्वयनमा ढिलाइ गर्नाले आफैं पछि परिनेछ । राजनैतिक कार्यमा बाधा आउनेछ । सम्पत्ति हराउने र साँझमा खर्च बढ्न सक्छ । नयाँ ज्ञान प्राप्त हुने योग छ । सप्ताहान्तमा आगन्तुकले अलमल्याउने हुँदा चिताएको काममा पनि बाधा पुग्न सक्छ। इच्छाएको जिम्मेबारी प्राप्त हुनसक्छ । खानपानमा खर्च गर्न मन हौसिन्छ । पशुपालक र दुग्धव्यवसायमा संलग्नहरूले मनग्ये लाभ प्राप्त गर्नेछन् । 

मीन (दि, दु, थ, झ, ञ, दे, दो, च, चि)  : प्रशस्त धन आर्जन गर्ने अवसर पाउनुहुनेछ ।उठ्नुपर्ने रकम हातलागी हुने समय छ । अवसरका लागि चुनौतीसँग लड्नुपर्ने देखिन्छ। बिहीवारदेखि श्रम र व्यवसायबाट मनग्य आम्दानी हुनेछ। सप्ताहान्तमा पारिवारिक समस्यालाई हल गर्न तल्लीन हुनुपर्ने छ । बौद्धिक र प्राज्ञिक क्षेत्रमा खिन्नता बढ्नेछ ।साथीभाइ र नातेदारबाट उपयोगी सल्लाह र सहयोग प्राप्त हुनेछ । राज्यपक्षबाट लाभ प्राप्त हुनेछ ।