ड्राइभिङ सिक्दा यी कुरामा ध्यान दिनुस्

- सर्वप्रथम त मानसिक रूपले तयार हुनुहोस् । म सवारीसाधन चलाउन सक्छु भन्ने मानसिकता बनाऔँ । 
- आफूलाई उपयुक्त हुने सवारीसाधनको छनोट गरौँ । सानो, हल्का र कम हर्सपावर भएको बाइक सिक्दा राम्रो हुन्छ ।
- सवारीसाधनको कुन पार्टले के काम गर्छ भन्ने थाहा पाउनुपर्छ । 
- एक्सिलेटर, क्लज, गियर वा अन्य पार्टले गर्ने काम थाहा भएपछि सजिलो हुने गरी फिट गरौँ । हरेक पार्ट हलुका भएमा सुरु–सुरुमा चलाउन सजिलो हुन्छ । 
- आफूलाई सजिलो हुने गरी गाडीको स्टेरिङ समाऔँ ।
- मोटरसाइकल सिक्दा सुरक्षा सामग्री अनिवार्य लगाउनुपर्ने हुन्छ । त्यसैले हेल्मेट अनिवार्य लगाऔँ । त्यस्तै, घुँडाको सुरक्षा हुने सामान प्रयोग गरौँ ।