प्रमुख प्रतिपक्ष दल एमालेका अध्यक्ष केपी ओलीले आगामी स्थानीय तह निर्वाचनमा सत्तारुढ पाँचदलीय गठबन्धनलाई आफ्नो पार्टी एक्लैले हराउने दाबी गरेका छन् । ओलीले आफ्नो पार्टीसँग भिड्न मिलेर आउन पनि सत्तारुढ पाँचदलीय गठबन्धनलाई चुनौती दिए ।
बुधबार सुनसरीको इनरुवामा पार्टीद्वारा आयोजित आमसभामा उनले जतिसुकै दल मिलेर भिडे पनि जित भने एमालेकै हुने दाबी गरे । उनले भने, ‘गठबन्धन गरेर कोको आउने हो । सबै मिलेर आउन् । हामी एक्लै लड्न सक्छौँ । एक्लै पराजित गर्न सक्छौँ।’
रेणु दाहाललाई चितवनबाट जिताउन माओवादी केन्द्रका अध्यक्ष पुष्पकमल दाहाल प्रचण्डलाई गठबन्धन चाहिएको आरोप उनले लगाए । ओलीले सत्तारुढ गठबन्धन खिइँदै गएको उल्लेख गर्दै नडराई चुनावी मैदानमा जुट्न उनले नेता तथा कार्यकर्तालाई सचेत गराए ।
See More On
