एमसिसीको विरोधमा देशभर प्रदर्शन गर्ने एकीकृत समाजवादीनिकट जनवर्गीय संगठनहरूको निर्णय

सत्तारुढ दल नेकपा (एकीकृत समाजवादी) निकट जनसंगठनहरूले एमसिसी सम्झौताको विरोधमा देशव्यापी आन्दोलनको घोषणा गरेका छन् । बुधबार बसेको एकीकृत समाजवादीको मोर्चा संगठनको बैठकले आगामी १ फागुनमा देशभर एकैपटक एमसिसीको विरोधमा प्रदर्शन गर्ने निर्णय गरेको हो । 

१ फागुनको दिउँसो २ बजे ७७ वटै जिल्लामा एकसाथ विरोध प्रदर्शन गर्ने निर्णय गरेको गरेको मोर्चा संगठन प्रमुख डा. विजयकुमार पौडेलले जानकारी दिए । एमसिसी संशोधनविना पास गर्न नहुने पक्षमा एकीकृत समाजवादी रहेको छ ।