अमेरिकाद्वारा नेपाललाई फाइजर खोप सहयोग, सोमबार नेपाल आइपुग्ने

अमेरिकाले नेपाललाई कोरोनाविरुद्धको थप भ्याक्सिन सहयोग गरेको छ। नेपालस्थित अमेरिकी दूतावासका अनुसार एक लाख ६ सय २० मात्रा फाइजर खोप सहयोगस्वरूप उपलब्ध गराइएको हो।

अमेरिकाले दिएको उक्त खोप सोमबारसम्म नेपाल आइपुग्ने दूतावासले जनाएको छ। यसअघि जुलाईमा अमेरिकाले कोरोनाविरुद्धको जोन्सन एन्ड जोन्स खोप नेपाललाई सहयोग गरेको थियो।