अमेरिकी राष्ट्रपति जो बाइडेनले सेप्टेम्बर ११ को आतंकवादी घटनामा मारिएकाप्रति श्रद्धाञ्जलि व्यक्त गरेका छन्। राष्ट्रपति बाइडेनले राष्ट्रका नाममा सम्बोधन गर्दै उक्त हमलापछि त्रास र आतंकवादविरुद्ध सिर्जना भएको एकता र सहकार्यको भावनालाई पुनः जागृत गराउन आह्वान गरेका छन् ।
आजभन्दा ठिक २० वर्ष पहिले अमेरिकाले व्यहोरेको कुख्यात र अत्यन्त दर्दनाक आतंकवादी हमलाका वेला बाइडेन सिनेटेर थिए । राष्ट्रपति बाइडेनले उक्त हमलामा विमानहरू दुर्घटना गराइएको तीन स्थानमा श्रद्धाञ्जली र सम्मान अर्पण गर्ने तय भए पनि उनले बीचमै सम्बोधन छोट्याएर अरूलाई कार्यक्रम हस्तान्तरण गरेका थिए ।
शुक्रबार अबेर ह्वाइट हाउसले रेकर्डेड भाषण जारी गर्दै वास्तविक मूल्यको राष्ट्रिय एकता र बहादुरीको पक्षमा रहन सबैमा आह्वान गरेका छन् । उक्त कुख्यात छटनापछि राष्ट्रिय एकता र बहादुरी सबै अपेक्षित र अनपेक्षित स्थानमा उत्तिकै महत्त्वपूर्ण रहेको बताएका छन् । राष्ट्रतपि बाइडेनले उक्त घटनापछि आफूले सिकेको सबैभन्दा ठूलो पाठ 'एकता नै ठूलो शक्ति हो' भनेका छन् ।
शुक्रबार राति राष्ट्रपति बाइडेन सेप्टेम्बर ११ को घटनाको स्मरणमा न्युयोर्क आइपुगेका हुन् । यहाँको आकाशमा बत्तीहरू दुःख व्यक्त गर्ने किसिमले सजाइएका थिए । उक्त अवसरमा जुम्ल्याहा ट्रेड टावर त्रस्त देखिएका छन् । दृश्य टेलिभिजन स्क्रिनमा देखाइएकाे थियाे ।
