प्रधानमन्त्री केपी ओलीले संसद् विघटनको प्रस्ताव गरेपछि बाराको कलैयामा विरोध प्रदर्शन सुरु भएको छ ।
प्रधानमन्त्री ओलीको प्रस्तावले लोकतन्त्रको हरण र संविधानको धज्जी उडाएको भन्दै नेकपा र जसपाका कार्यकर्ताले विरोध प्रदर्शन सुरु गरेका हुन् ।
आइतबार दिउँसो १ बजे कलैयाको भरतचौकमा नेकपा र जसपाका कार्यकर्ताले केपी ओलीविरुद्ध नारा लगाउँदै नाराबाजी गरेका छन् ।
विरोध प्रदर्शनको क्रममा टायर बालेर उनीहरूले जनताले लडेर ल्याएको लोकतन्त्र र संविधानमाथि प्रधानमन्त्री ओलीले प्रहार गरेको बताएका छन् । उनीहरूले संसद् विघटनको प्रस्ताव तत्काल फिर्ता नलिए देशभर आन्दोलन सुरु हुने चेतावनी दिएका छन् ।
See More On
